”Nevera na škoju” – iz pera ”Tvornica mašte”

”Nevera na škoju” – iz pera ”Tvornica mašte”

Objavio: Paula Bolfan - 16.05.2018.

NEVERA NA ŠKOJU

Naidilo se nebo na more svoje
Pa crnu halju u inat mu rastre.
Ura je kasna.
Sve je kuco.
Ki je komu prvi ča grubo reko?!
Kome je to jazik poleti,
Rani sarce celo o soli.

Ki se to komu prvi zamiri?!
Suze kaplju, tišina boli

Zoč te sa ni, lipoto moja?!

Lampo.
Nebo je eno rasporilo somo sebe.
Govoru, na kolina će se u bisu kalati.
Neveralo je.
Zacrnilo.
Anđeli su krila o lipote polomili.
Škure cvilu, kako koli da plaču.
A unda sve ferma, da udahne malo
.

Zoč te sa ni, lipoto moja?!

Pini se more, ima i ‘no ča za reći…
Bonaca će opet lipost jutrun doniti.
Ma sa’ će iscipati i stene i brodi,
Neće ni ono dužno ostati…

Tako je to ka’ se more na škoju nebu zamiri.
Svaka jubav u sebi bokun nevere nosi.
Zorun će ope’ jedno tilo biti,
Duša je’na,
Skupa u šesti ploviti dalje…

” Tvornica mašte ”
BLIND ARTIST

( Colpo morto )

__________
Izvor: Marin Franić Fcb
Fotografija: Pokret Otoka / Paula Bolfan